... 友良嘅父親王戎演床上戲,大膽過現今唔少o靚模o架!

bbs.ent.163.com

[FACE周刊 第134期]不想再回頭 又不想錯過 楊思琦

[FACE周刊 第134期]面對面 不想再回頭 又不想錯過 楊思琦



訪問中途,楊思琦手機響起,鈴聲是王菲 97年的〈約定〉。
楊思琦由始至終鍾愛王菲,跟李泳豪二人去唱 K,男方會自動自覺拿遙控為她入滿王菲的歌。
最愛邊首?
想了想,她答:「〈忘掉你像忘掉我〉。嘩!好飄、好正呀!」
93年的王菲跟林夕,歌詞頭兩句:「想不再回頭 又不想錯過 想不想之間 着了魔」
31歲楊思琦,說眨吓眼在電視城已待了八年。
談不上不堪回首,但別人眼中錯過了的,又似不少。跟奀茄李泳豪情比金堅七年情,及「屋邨港姐」妹仔格不擅打扮慳妹形象,令她失去電車男的童顏巨乳女神地位,也錯失曾經近在咫尺的一線花旦位置。一度燉落三線甚至被雪藏冇劇拍,到這次《巴不得爸爸》的大牌檔巴渣妹一角,才終重上第二女主角位置。
「位置,是否真的這樣重要?
「真正錯過了的,是台慶綵排時,我還走過去大讚烈哥(陳鴻烈)唱英文歌把聲好好聽好特別,兩天後他就過身了。我第一套劇《繾綣仙凡間》他就做我阿爸,拍《血薦軒轅》又一起出外景,每次他見到我都叫『阿女阿女』。
「知道消息那天,我接受不到,在家裏一直哭。
「工作上的所有唔開心,也不過是過眼雲煙。但身邊珍惜的人失去了,就是真正的失去。」
師範畢業的她,「教訓」我的語氣,如小學老師。
親切溫柔,但堅定。

唔需要敵人


不是不長進,是控制範圍以外的,就不花精神去諗。

陳志雲評楊思琦為「好乖,但佢係現代陳寶珠,俾人恰都唔知。」
由 04年拍《無名天使 3D》被佘詩曼及郭羨妮夾埋恰,到剛拍完的《翻叮一族》直認拍攝時曾失控喊,傳被陳鍵鋒不時粗口問候,又被商天娥大聲喝企錯位,連燈光都蝦埋佢一份。這些年這些是非,楊思琦的回應不少也是:「唔緊要啦,冇所謂。」
似承認,又唔敢反擊。想息事寧人,又有點似想博同情。
外形細細粒可能比較易恰,冇後台撐也自知或者蝕底。不過,她說沒辦法。其他花旦有她們的生存方式,上位或釣金龜方法。她就算想學,也學不來。
我覺得現在這一種方式,最適合自己。不是不長進,是控制範圍以外的,就不花精神去諗。
現在見到她倆(佘詩曼及郭羨妮),也會問兩句近況。(算和好了?)唔……始終是同事,唔需要有敵人囉。
分配到一個角色,不會去數住是第一第二定第三女主角,也從未要求過監製給我甚麼機會。
這個圈太多變數,計較不了太多。你以為自己很努力去演一個角色,可能出街後個個觀眾都覺得你太誇乞人憎。


03年第一套劇《繾綣仙凡間》便跟烈哥演兩父女,之後合作多次,出事前兩天還一起綵排台慶演出。烈哥一直叫她「阿女」,有很多回憶。



於《巴不得爸爸》內有着婆仔底衫鏡頭,但談論性遠不及陳法拉晒 bra。問她會否覺得觀眾保守,她吞吞吐吐地不同意:「始終……內衣同泳衣是有分別。」

照食麥當勞

我忽然想到《富貴門》的薛家燕。
監製梅小青曾給楊思琦機會於《突圍行動》中扮奸,但同為她監製的《宮心計》沒選上她,大概是火候問題。
我就算反叛期都冇試過好曳。爸爸是華籍英兵,家教嚴,讀書時出夜街唔可以過 12點,但我根本好少出,就算係通常 10點未到就返了屋企,個個朋友他們也見過。
最唔乖一次,是七八歲時,父母只帶了哥哥一個去美國探阿姨,留低我一個。我在婆婆屋企黑口黑面,成日亂咁發脾氣鬧人。
入了行八年,但會約出來見面的朋友,仍只是讀師範時的舊同學。談娛樂圈女星的遊戲規則,她會像成績落後的學生般,淡淡一句:「我跟唔上。」
過去她一向「逆來順受」地被彈「沒星味」、「捧極唔起」,今天學懂「反擊」回一句:「星味根本就不合時宜。」
以前的明星要神秘感,但今天走出街,觀眾都覺得你很親切,距離近,走過來熱情打招呼,才叫做有觀眾緣。
我現在照樣會食麥當勞,因為我真係鍾意它的雪糕新地,但也會買貴價的 truffle朱古力。其實一放工,可以做回自己就最開心。


《蘋果日報》圖片

電車男一直「唔抵得」李泳豪跟她的戀情,除了男方是「奀茄」外,他的家人也有點騎呢。施明太神怪,孖生哥哥李泳漢(右二)又自認是阿嬌前世老公。


《忽然 1周》圖片

現跟李泳豪同居於施明名下的畢架山涵碧別墅,閒時放八哥狗。生活早如一對小夫妻。

愛飄移玩 donut


06年憑《隨時候命》奪無綫「最佳女配角」。但之後兩年傳因太高調拍拖被雪藏,冇乜劇開畀佢。《蘋果日報》圖片

被欺負的妹仔形象深入民心,但她原來也有宣洩的方法。
你點知我鍾意揸快車?係呀!好快那種感覺,嘩!好刺激 o架!
也有學過 drift(飄移),也玩過 donut,即係駕車原地係咁轉圈,好好玩。去遊樂場也愛玩卡仔(小型賽車)。他(李泳豪)也成日說我是危險駕駛者,哈哈!
一些批評其實對她不算太公平。既然明明是草根的石硤尾大坑西邨長大,自然不會有那些英國倫敦 UCL留學回來女星的「高貴氣質」。不過自己的平凡,另一角度看,她當成是福氣。
屋邨長大有好多美好回憶,那些經常被屋企縱慣的有錢公主又不會明白呢。
一層樓幾十戶左鄰右里,互相守望相助,好親切距離好近。每年中秋節,隔籬屋的叔叔都會整兩個好靚的燈籠,送畀我同哥哥。
?家大牌檔係咁拆都好可惜,以前返學最鍾意去食車仔麵。
楊思琦從來要求不多,也就容易快樂。
過往每次談到她跟細她兩年的李泳豪女尊男卑的關係,她例必力撐男友:「他很努力,欠的只是一個機會。」
只是,男方 6歲開始做童星至今 23年,連三線男演員也談不上。「機會」應該也有期限吧。

食飯佢埋單


我要的不是浪漫。

二人現同居於男方母親施明名下的畢架山涵碧別墅。說男方奀錯不了,但窮或者不盡正確。始終父親李家鼎是行內知名動作及馬術指導,母親施明也是城中有名的「通靈人士」。
縱不愛買名牌,但說一向精打細算的她,揀男友完全不考慮經濟條件,又不大可能。
我們的關係實質是怎樣,不必向別人交代。出街食飯當然通常是他埋單。
他怎樣對我好,說了出來你們也未必感受得到啦。我們沒甚麼很浪漫的事,因為我要的不是浪漫,是細水長流的感覺。
而她自己所欠的機會,她說或者只是一個真正打動觀眾的角色。
你有沒有看過《洗澡》?(大陸 99年的溫情電影,透過澡堂老闆跟兒子間的父子情,描寫時代的變遷。)大陸又好香港又好,很多充滿回憶的建築,轉個頭便消失了,想追也追不回。我很想可以演,這一類寫實感人的故事角色。
這電影我看過。記憶中劇情內好像沒甚麼女角,大部分時間只是一班麻甩老嘢唔着衫於澡堂內聊天,海報也是三父子赤裸上身攬條浴巾。
假如她演這類電影,觀眾真正想睇的,應該只是「楊思琦洗澡」。


《忽然 1周》圖片

傳統嚴父慈母家庭中成長。父親年輕時是華籍英兵,家教嚴;母親相當廿四孝,入行後經常跟出跟入準備湯水生果陪她開工。


《蘋果日報》圖片

01年奪港姐冠軍(中)。亞軍鍾沛枝(左)、季軍朱凱婷。當年她連掃五獎,是港姐史上奪獎最多的冠軍佳麗。不過最初父母替她報名,只想自細似「一嚿炭」的她,可以免費學吓化妝。

我,心虛!

楊思琦的世界從來簡單自在。訪問於上星期二進行。當日出版的上期本刊封面有一格寫「老公月入$8000 楊思琦虎年嫁窮茄」。
談到跟李泳豪婚期,她笑着回應:「我唔知呀!你看千嬅,結婚的人有甜到漏的『結婚樣』。我o依家只係精神樣,未知幾時可以甜到那個樣。」
訪問期間,她經理人現場發現週刊,一邊揭着一邊監聽我們訪問內容,我一邊做訪問一邊擔心經理人閱後會否突然發難。
訪問安全地完結,雜誌留了在枱面。
臨走時,楊思琦問我:「可唔可以睇吓你地今期本雜誌呀?」
我有點尷尬遲疑吃吃笑地答:「我驚你睇咗唔開心喎。」
已走到門口的經理人回頭大叫:「我睇咗啦,冇乜嘢特別。你唔使睇啦!」
楊思琦笑着禮貌地告別離開。她經理人應該也不情願,世俗的眼光,再令她不快樂。






撰文:李翰斌 攝影:林子賢
形象: Bryan@the Flaming
服裝: Ted Baker
髮型: Chris Cheng@IL COLPO
化妝: Synni Tam@PRIVATE i
网易论坛,天天相伴这哪儿能光鼓掌啊,这得臭揍啊这!

 

-
[个人信息] [发送信息] [举报] [到微生活转转] 管理 返回顶部 2楼 2009-12-16 09:24:12
第 134 期 face 週刊

本地娛樂

封面 3年矯唇2次 王菲女靚晒返學
膽生模 公園索鼻 毒o靚模Monique出show匿廁格 Rainbow割蓆:佢俾人教壞!
怕爛佬 請飲唔到 姿整呂良偉藐酒鬼羅嘉良
童顏中佬 38歲防腐Chilam谷肌 靚靚:我20日唔畀飯佢食
金牌戰狼 港足餓女
呃錢黨 網爆炒飛編案 Sammi勸fans:咪出去收飛!
儲老婆本 搵2億養枕邊人 阿蘇孖金燕玲 郵輪疏乎
FBI File 周秀娜 翻叮葉玉卿
FBI File G.E.M.暗姣
FBI File 餓虎官恩娜
FBI File Edison泵水auntie起底
FBI File 丁子高害千嬅
FBI File 王菀之擦蛋抗老
FBI File 劉華戒碌lane
FBI File 吳君如拗唔斷村姑
FBI File 張惠妹 抄「機」男
FBI File 「得得B」跪地求饒
驗衣官 紅得及時 容祖兒
西面 史上最貴$170 熱撲《阿凡達》
facebook驚喜 可愛教主 貪玩女神 Kareen Lam
facebook頭條 網上吹雞溝女 35歲電車佬癡戀16歲o靚模
facebook Game 易過養真狗 facebook版任天狗
1毫bid! 134期「1毫bid!」拍賣得主名單

外地娛樂

FBI File 瑤瑤嗒同學
FBI File 發仔寒林依晨
開台 散打歎慢板 楊宗緯拒簽約縛死
日面 超級巨聲

專訪

FACEweekly 復出個唱賣晒飛 伊麵風雲
面對面 不想再回頭 又不想錯過 楊思琦

星座

瑪法達看星星 以戰止戰、地雷引爆 瑪法達
网易论坛,天天相伴这哪儿能光鼓掌啊,这得臭揍啊这!
 
[个人信息] [发送信息] [举报] [到微生活转转] 管理 返回顶部 3楼 2009-12-16 09:32:15
[FACE周刊 第134期]怕爛佬 請飲唔到 姿整呂良偉藐酒鬼羅嘉良


羅嘉良和新太太蘇岩在上週六( 12日)於北京大宴親朋,撈家一句:「可以和你結婚,是我人生最好的事。」冧到蘇岩暈咁款噃。

上週六( 12日) 47歲羅嘉良再婚之喜,與 36歲內地女星蘇岩於北京 Ritz Carlton酒店搞婚禮,《富貴門》主要演員包括做羅嘉良「大佬」的呂良偉,與及郭可盈、袁詠儀同戚美珍都冇到,只得冇咁孭飛嘅馬國明、陳敏之和薛家燕撐場。
據知,一向健康為上的 52歲呂良偉,本來獲邀出席婚宴,但原來防腐偉與羅嘉良在拍劇期間鬧不和,搞到面左左。一向爛煙爛飲的羅嘉良,因拍劇時煙不離手兼有遲到惡習,令阿呂火都嚟,片場內勸極唔聽。如今「撈家」擺酒,阿呂無聲抗議,出席東華籌款做善事都唔去飲!梗係啦,去到又煙親盞嬲!
一眾去北京飲羅嘉良喜酒嘅演員,除咗 Mu媽薛家燕,齊齊缺席《富貴門》週日結局慶功。
《富》劇週日結局平均只收 36點,比起《宮心計》差 10點,但主要演員照搞慶功食飯睇結局,呂良偉、戚美珍、袁詠儀加埋走足兩場薛家燕,戲裏戲外「卓家」好齊心。


寧去東華
唔煙唔酒嘅呂良偉,雖則不滿羅嘉良拍劇時煙不離手兼常遲到,但就風度十足,即使要去《東華》去唔到飲,都有送花牌賀嘉良(下),人唔到禮到!


冇乜兩句
《富貴門》兩位男主角自拍劇期間不和,出席活動亦常當對方半透明,仲搞到分堆,點分法?去飲撈家嗰餐同冇去飲嗰班囉!


送花算數

自搞慶功宴

撈家上週六北京再婚,除咗郭可盈大肚攞正牌唔現身,好彩仲有馬國明做伴郎、馬德鐘、陳敏之、薛家燕同許紹雄等就專程北上撐場。單拖趕回來的薛家燕就辛苦,她對記者說:「兩邊都重要,所以我尋日( 12日)去完嘉良度飲,今日( 13日)即刻趕返嚟幫手搞慶功贊助。」

飲到面紅

10月時,羅嘉良和《富貴門》演員到沙巴宣傳時,臨尾當地老闆請宵夜,但係羅嘉良就遲晒大到,到場時仲面紅紅醉酒咁款,連佢自己都唔好意思要揞住口同無綫經理人 Candy講嘢,怕俾人知佢成口酒氣咁款。





噴煙攻童星

據知,撈家婚宴本來呂良偉都係座上客,但就因拍劇時撈家煙駁煙嘅惡習,令唔煙唔酒嘅呂良偉不滿。「撈家一向大煙癮,開工試過腳步浮浮,好似仲未酒醒咁,遲到次數都幾多。好多時要去愉景灣拍別墅景,激到呂良偉好嬲,兩個童星(羅錠欣演琦琦、譚真一演維維)未埋位,撈家必定要歎支煙仔,有時佢企喺門口位吸,啲煙隨風吹番入屋嘛,呂哥睇唔過眼咪當場叫撈家食少啲,佢又冇反應,激到呂哥現場嘈晒,之後好少見佢哋傾偈。」幕後人員透露。
上週六即羅嘉良大婚當晚,記者在無綫《東華》問呂良偉是否與羅嘉良唔妥,佢話:「哦!我本來去 o架,但臨時有嘢做。我喺上海拍緊《水壺傳》,今朝飛去澳門出席《澳門一九四九》電影首映,澳門特首何厚鏵都喺度,跟住趕返嚟《東華》先冇去佢婚宴啫!(係咪羅嘉良試過飲醉酒遲到,同拍劇狂噴煙,你哋嘈過交?)其他嘢唔講喇,套劇都完啦,仲有,我戒咗煙 20年,又少飲酒,你知o架!」知知知,係得撈家唔知啫!

唔知係劇情需要定撈家煙癮起,喺《富貴門》中,名正言順喪扯煙,但同袁詠儀示愛一幕,據知真係堅醉。





埋撈家堆


唔理好醜,最緊要就手,冇咗當年伴郎古天樂,今次結婚有沙煲仔,奀就奀啲,好過冇嘛!


雖然賓客今非昔比,但哎吔仔結婚, Mu媽薛家燕一樣冇手軟,份禮過 10萬 o架!


婚禮後直落去唱 K,撈家終於可以深扯口中香煙。

蘇岩專吼人夫

唔只羅嘉良再結婚,就連蘇岩都係再嫁,原本再嫁冇問題,但有鋪撬牆腳癮。蘇岩前夫陶經(左圖)係「中國首席收音師」,最近仲同周潤發合作拍《孔子》,不過陶經識蘇岩時仲係有婦之夫,兩人暗交 10年男方先離婚,於 05年迎娶蘇岩,但未夠兩年就玩完。離婚後,有傳陶經仲畀咗一大筆贍養費給蘇岩,令佢升呢做富婆,o依家蘇岩同羅嘉良住緊價值 600萬人民幣嘅 3,000呎萊蒙湖別墅!


陶經


蘇岩今年 5月拍《南下南下》飾演女幹部,其間羅嘉良亦有親自去武漢郊區探班。

空心婚禮

羅嘉良同曾任職有線新聞部的前妻方敏儀結婚 10年,個仔都 10歲。兩年前識蘇岩冇耐就離婚,今次婚禮向外報稱,來賓每人一張來回機票加住宿連每位人頭酒席計$888,一共約 6,000大元,但本刊問到伴郎馬國明同陳敏之,佢哋竟然話係自己扲荷包,咪即係自費兼倒貼?


'09
婚禮玩足全日,但兩位演員 keep住甜全日冇倦意!


'98
當年羅嘉良和方敏儀結婚有成班星撐,又古天樂又肥姐又宣萱,如今……


14圍
酒店圖寫明羅嘉良擺 14圍,無端端佢又向外話擺 15圍,記者問佢係咪怕唔吉利?嘉良隨即調頭走。


採訪、撰文:娛樂組
攝影:攝影組
网易论坛,天天相伴这哪儿能光鼓掌啊,这得臭揍啊这!
 
[个人信息] [发送信息] [举报] [到微生活转转] 管理 返回顶部 4楼 2009-12-16 09:40:43
[FACE周刊 第134期]童顏中佬 38歲防腐Chilam谷肌 靚靚:我20日唔畀飯佢食


'01 30歲 6嚿朱古力
未肥過嘅 Chilam當年唔算大隻,不過閒閒哋都騷到好似朱古力咁嘅六嚿腹肌!呢張 8年前拍緊電視劇《談判專家》嘅相,齋睇樣同身形都跟今日 38歲嘅佢冇乜分別。《蘋果日報》圖片

o靚模潮 out,嚟緊應該會興「防腐男」!
近日除咗有未老過、做完《富貴門》的呂良偉以詠春 keep fit養生後,同劇袁詠儀的真實老公、鋼條身形的張智霖( Chilam)一樣好似食咗防腐劑咁, 38歲人睇落似 28歲。
回歸樂壇出碟又拍無綫劇,防腐 Chilam愈戰愈勇:「其實我有成長 o架!我唔介意多幾條皺紋!」 Chilam講得輕鬆,實情多得同年的老婆袁靚靚督促:「佢之前肥咗 10磅,我咪成 20日唔畀晚飯佢食囉!」要型梗要付出。
週日( 13日)張智霖出席新碟《 I AM CHILAM》簽唱會繼續以情歌王子形象到場,樣貌和身形睇落,比佢 38歲真實年齡後生 10年有多,笑起嚟個酒凹樣,仲有啲 baby face添!


'09 38歲 背心鬚根男
Chilam 3個月前影新碟封面,雖然有件背心遮住,但骨架、手臂線條都睇得好清楚,難怪睇到啲港女流晒口水啦!


'06 大贍露毛照
3年前 Chilam曾經幫名攝影師 Leslie Kee影過一輯露毛相, 3年後 Chilam嘅身形同o依家基本上冇乜點走樣,好過好多精壯小生喎!


'01 鋼條 slim fit型
Chilam拍《談判專家》時不惜泳裝上陣,鋼條身形就咁無所遁形!《蘋果日報》圖片


我要返去糟質佢!真實對白
靚靚一見到 Chilam赤條條跑沙灘嘅舊相,即刻忍唔住爆笑。有防腐俊男歎,畀着我都由個心度偷笑出嚟啦!

唔煙唔酒


38歲 Chilam向來青靚白淨,在高清鏡頭下, Chilam瞇晒眼都只得 3條魚尾紋,面相嚟講,呢啲係殺女桃花紋,而佢鬚根下嘅皮膚亦好到你想用手搣佢面珠墩。

近日周街貼有 Chilam新碟宣傳海報, 38歲中佬黑背心晒鋼條身形疑似不老症。據知 Chilam新碟由夏永康( Wing Shya)負責形象及攝影。有份參與的幕後人員透露:「 Chilam男人味出晒,所以今次輯相用簡單方式去表現佢已經好夠。」
出道 17年, Chilam身形一直 keep得好 fit,佢話秘訣在於爛玩。「我上天下海乜都玩!例如踢波、跑步、啤牌甚至傾偈,我咩都啱!
「其實真係冇特別 keep!應該係生活健康,同埋保持心情開朗係好緊要。而且我唔食煙唔飲酒唔蒲,但我瞓覺好唔定時!」

每月敷 mask

Chilam答得輕鬆,但週日( 13日)袁詠儀於《富貴門》結局晚宴,接受本刊訪問時就大爆試過 20日唔畀 Chilam食飯:「佢前排去咗 3個禮拜北海道拍劇,日日食拉麵,返嚟個肚腩直情大過我生完 BB之後!我咪十幾廿日唔畀飯佢食囉!不過佢真係廿日後就冇咗個肚腩喇喎!(人人話佢o依家好 fit!)係啦,我真係要返去糟質吓佢!」

長氣老公


剝衫踢波
Chilam自言乜都玩。今年 6月落場踢波俾人影到,同城城打得邊爐多,踢波當 keep番囉!《忽然 1周》圖片

靚靚更表示, Chilam天生麗質,不過絕不姿整。「佢要 feel到真係好乾至會問我攞 cream搽,一個月至做一次 mask,我都隔兩個星期做一次,唔可以俾佢追到!不過佢平日乜都玩 o架,可以同朋友傾 8個鐘偈,之前冇咁忙就去踢波,有時又會同我去行山,其實佢冇特別 keep,可能冇時停會有幫助!」
52歲呂良偉仲可以孭重飛做男主角,細佢 14年的 Chilam睇嚟有排撈。

撐露咪杏兒


胡杏兒週日( 13日)開迷你處女個唱,梗要騷吓本錢!已經有一段時間冇行性感嘅杏兒,呢日 bra top上陣,側面睇,仲疑似露暈。


同公司嘅 Chilam當日舉行完簽名會,即趕去杏兒個騷做嘉賓唱〈一刀了斷〉。


忠實 fans:鍾意 Chilam好耐 o架喇,佢身形同皮膚一直都 keep得好好,都仲係咁靚仔。


新增學生 fans:鍾意聽佢唱歌、做戲,不過冇為意原來佢 38歲!

防腐中佬

男人襟老,女人就唔襟擺。一班電視阿哥唔經唔覺齊齊步入中年,依然 keep得勁 fit,而且個個都話自己好似班名模咁天生麗質,絕冇刻意保養,信一半好啦!

40歲鄭嘉穎整容疑雲


保養: 08年鄭嘉穎擔任「變型 D」代言人而忽然年輕,眼角魚尾紋冇晒,面同眼袋都細晒,最緊要係六嚿腹肌出晒嚟,雖然引起整容疑雲,不過鄭嘉穎只歸功於做機 keep fit。

45歲郭晉安硬銷補品


《蘋果日報》圖片

保養:身為健康產品老闆,郭晉安梗係食番自己公司嘅靈芝保養啦!當有人讚佢保養得好,佢即刻吹捧自己代理嘅靈芝,擺明硬銷。

51歲苗喬偉得閒變靚


《蘋果日報》圖片

保養:三哥話自己只係間唔中打吓 golf,樂得清閒就自然容光煥發,有冇咁簡單呀?

52歲呂良偉氣功減肥


《忽然 1周》圖片


保養:呂良偉 4年前開始修練養生氣功,又學詠春,腰圍仲由 31吋經練功後變細咗 2吋成 29吋,仲 fit過好多後生仔。
採訪、撰文:蘇詠詩
攝影:楊學
网易论坛,天天相伴这哪儿能光鼓掌啊,这得臭揍啊这!
 
[个人信息] [发送信息] [举报] [到微生活转转] 管理 返回顶部 5楼 2009-12-16 09:41:56
[FACE周刊 第134期]金牌戰狼 港足餓女


24歲陳肇麒有 o靚妹李綺雯埋身、又有正印美容之花 Natalie沙灘 happy,本身唔怕冇女食,《東華》當晚佢見到靚女江若琳行過,都忍唔住黐埋去 show吓個金牌。

香港足球隊在東亞運動會威盡,上週六( 12日)港足在東亞運足球決賽憑互射 12碼射低日本,歷史性在國際綜合賽事奪魁的香港隊,功臣「香港 C7」陳肇麒及鋼門葉鴻輝連同其他球員,完賽後拎住獎牌殺入 TVB電視城,為《東華》籌得 80萬善款。
港足波牛初入電視城,個個贏波血氣方剛,見到女明星即忍唔住出口,先?官恩娜、後擒江若琳。港足領班羅傑承更興奮過頭,問新貴陳肇麒:「使唔使叫何生(無綫製作部總監何麗全)介紹啲 model你識?」陳七去完熱刺試腳咋喎,唔係以為兜個圈就變咗 C朗食「模」憂吖嘛。
香港足球隊上週六( 12日)勇奪東亞運足球金牌後,隨即由去完熱刺跟操、返港落場後 2分鐘即憑頭鎚追成平手的陳肇麒(陳七)率領大軍殺入 TVB,為《歡樂滿東華》募捐。


圍擒江若琳
港足到達電視城,剛巧新聞報道他們奪金的消息,全隊人睇新聞之際,江若琳在陳肇麒身後閃過,錯過大好機會。


港隊臨走都唔放過江若琳,圍住佢要求合照。俾成班大男孩擒實嘅江若琳,惟有尷尬掩面。


陳肇麒趕返香港爭冠軍,不負眾望,出場 2分鐘即頂入一球,為港隊創造奇蹟。證明佢溝女叻,踢波都冇腳軟。

見女星興奮

一行廿幾人乘坐旅遊巴入到電視城,一落車就遇上官恩娜在停車場練習單車表演,港足成員離遠已(目及)中官恩娜身水身汗的誘人美態,十足小 fans大嗌:「官恩娜踩單車呀!」成班港足眼甘甘偷(目及)。
南華領班羅傑承跟無綫高層何麗全握過手後,可能奪金牌心情太過興奮,竟然無視記者在場,大聲問陳肇麒:「使唔使叫何生介紹啲 model你識?」陳七醒目唔答,羅傑承才打圓場:「講笑,講笑咋。」


使唔使叫何生介紹啲 model你識?(真實對白)
港足得到無綫高層何麗全(右一)迎接,羅傑承(右二)竟然問陳肇麒想唔想趁機識 model。


我講笑咋!(真實對白)
官恩娜呀!(真實對白)
羅傑承知道自己口快快講錯說話,即同在場記者解釋:「講笑咋!」而港隊球員包括陳肇麒已將目光轉投練習中的官恩娜身上。


官恩娜


C朗︰想食 model?你估你係我咩!設計對白

輪到攰

其間陳七被記者問起與 o靚妹李綺雯有冇聯絡,陳七一句:「朋友囉!」決心搞清三角關係。之後港足進入電視城大樓,又遇到江若琳,守門功臣英雄輝葉鴻輝同幾個球員再次起哄:「江若琳呀!」可惜假大眼趕住入廠並冇理會。
但當港足做完募捐準備離去時,在停車場再跟江若琳狹路相逢,咁好機會一班戰狼當然唔放過,圍住江若琳要求逐個合照,江大方答應,但成班大漢輪住影實在應接不暇,江若琳影咗幾個就頂唔順:「不如同你哋大合照啦。」先至有機會甩身。事後江若琳話:「我唔慣同陌生人溝通!」港足o依家係香港英雄,下次咪再當人係陌生人喇。

鋼門英雄輝冇膽黐女

港隊鋼門葉鴻輝憑住超強反應,擋出日本隊的十二碼射球而成為英雄,被網友捧做「英雄輝」。葉鴻輝現効力香港甲組足球聯賽球隊的天水圍飛馬,他在 facebook上載了不少生活照,但 19歲怕醜仔唔敢追女,反而跟波友或猛男出海、沖身的照片,溝女親密照欠奉,要溝女,請教吓陳七好喎!


葉鴻輝在決賽互射 12碼時,撲出日本隊的施射,成為贏波關鍵。


《東華》好招呼
港足殺入電視城,陳肇麒同葉鴻輝兩人身為球壇新星,主持曾志偉都要特別介紹。


同葉鴻輝出海玩的幾乎清一色男仔,似乎 19歲的他仲未有拖拍,唔怪得入到電視城見到女明星,咁鬼興奮啦!網上圖片


「英雄輝」連鬥雞眼照片都放上網,睇怕做咗英雄之後好難再睇到。網上圖片


全男班沖身
葉鴻輝(左二)在 facebook上載多張裸露上身的照片,甚有「雄風」味。網上圖片



網友撐輝踩七

港足奪金後,即時有網友恭賀葉鴻輝,又稱佢為「葉門神」;入波功臣陳肇麒就冇咁受網友歡迎,竟然問陳肇麒除了入門一球仲有咩建樹!同人唔同命。



撐番家姐 超蓮:我唔識唐貝詩!

18歲何超蓮着低胸短裙出席《東華》,講到早前被影到同唐貝詩在英國結伴去 party,而唐貝詩同何超盈近日反目成仇,超蓮回應:「唔係 friend,我唔識佢(唐貝詩),超盈係我家姐,梗係撐佢啦!」同唐貝詩劃清界線。


超蓮睇《東華》唔太專心,成晚通場飛,不時走到總理媽咪三太陳婉珍前面傾閒偈。


超蓮睇《東華》唔太專心,成晚通場飛,不時走到總理媽咪三太陳婉珍前面傾閒偈。


超蓮好注重儀容,飲水都離樽飲,怕整花唇膏。


撰文:娛樂組
攝影:攝影組
   本贴于 2009-12-16 10:06:47 被【 zhangs_wh】修改
网易论坛,天天相伴这哪儿能光鼓掌啊,这得臭揍啊这!
 
[个人信息] [发送信息] [举报] [到微生活转转] 管理 返回顶部 6楼 2009-12-16 09:42:16
[FACE周刊 第134期]儲老婆本 搵2億養枕邊人 阿蘇孖金燕玲 郵輪疏乎


事業得意,飄飄然嘅阿蘇亦公開同《畢打自己人》中飾演賈素珊嘅金燕玲關係,仲話 12月中會去東歐坐郵輪過聖誕,係囉,大大方方怕咩人知呀!

54歲蘇施黃(阿蘇)自從早前在《志雲飯局》公開同性取向,坦白直認:「呢個我好希望香港家長去接受你哋仔女,無論佢係……好似我哋呢啲攣嘅好!」阿蘇曲綫公開相交 5年,「從未試過咁開心」嘅女伴金燕玲的身份,更不時在《飲食男女》專欄提及「瞓喺身邊嗰位」,大談伴侶相處之道。
阿蘇早前在馬會活動上直稱首要目標搵夠 2億買大屋,更向本刊大談同金小姐的私人生活,密密做狂搵銀的阿蘇,聖誕將孖住金燕玲去東歐坐郵輪歎世界,繼菊姐後,又一對圈中同性密友晒恩愛。
要感謝我o依家個愛人,我從來未曾試過咁開心嘅!《志雲飯局》
今次呢一個 relationship係昇華咗,大家大家很多空間,大家有好自由嘅生活,係 genuine去希望你開心。」《志雲飯局》
我喺o依家愛人身上學咗一樣嘢,一個好 genuine(真誠)嘅愛。《志雲飯局》
現在人成熟了一點,反而覺得去愛一個人來得容易和簡單。而且我每日都會臨瞓前問對方:「你今日開唔開心呀?」

'08開始包拍《蘇 Good》的阿蘇才開始加入搵銀大軍,以往從不睇重身家有幾多的她,上週六( 12日)在一個投資講座亦提到自己從未搵過大錢:「係人都知我唔識理財,從未喺股票市場賺過一蚊。不如陸叔(陳永陸)你畀幾個號碼我,賺番 3幾萬等我下星期去歐洲玩啦。」


甜蜜 5年
今年 3月阿蘇同金燕玲被影到喺名人飯堂福臨門同友人食飯,其實 2人關係在朋友眼中已經係公開一對,唔使多講。《蘋果日報》圖片


你都傻傻哋嘅!真實對白
阿蘇肯公開,相反金燕玲好避忌。前週六( 5日)佢出席《畢》劇大閆生陳鴻烈錄影最後一集時,問起介唔介意阿蘇公開講二人關係時,金燕玲好大反應咁話:「阿蘇?你問我呀?你都傻傻哋嘅。」使唔使咁驚呀?

睇《畢打》笑女友

事業入屋,阿蘇早前在《志雲飯局》公開暢談同拍拖 5年的女伴金燕玲的感情世界,雖不公開金燕玲名字,只稱「愛人」,阿蘇表示人生中最開心時刻:「今次呢一個 relationship昇華咗,我從來未試過咁開心,真係好感謝我o依家個愛人。」阿蘇連在個人專欄上亦直稱另一半為:「瞓喺身邊嗰位。」每晚臨瞓會同佢傾偈,問佢:「今日開唔開心呀?」簡直 sweet爆。
搏命搵錢的阿蘇,在上月尾的馬會講座,向觀眾講述成功搵銀之道,仲話新目標要搵夠 2億:「我四年前先開始追番之前十幾廿年 hea咗嘅時間,o依家 set咗目標要搵 2億,車就有喇,仲想買間夠住嘅屋。好似今年頭半年,我已經搵夠自己今年 set嘅目標,所以打算聖誕去歐洲坐郵輪獎自己。(金小姐有冇份呀?)(甜笑)哈哈,你話呢?(即係有啦?)唔使講啦。」
公開聖誕甜蜜旅行外,阿蘇更談及同金小姐的生活:「我哋喺屋企好少講公事,雖然平時我好少睇電視,但有睇佢套劇(《畢打自己人》),我仲笑佢廣東話唔正,不過佢又笑番我國語唔好囉。」

落實過大班電台


大把撈

大班鄭經翰同一班政經界名人投資 1億 4千萬嘅「雄濤」 AM電台,有傳以 1千 5百萬高薪挖阿蘇加入,阿蘇就懶神秘咁話:「我目前係搵錢至上,到時大家喺電台見到我,證明大班真係畀好多錢我啦。」

爆金燕玲裸誘王友良老豆

同阿蘇一樣係 54歲嘅金燕玲 70年代喺台灣做歌女入行,當年走艷星路線嘅佢拍過露點寫真及情慾戲,其中喺呢套《女人面面觀》雖然做配角,但金燕玲不惜半裸透底同當時係邵氏男星、亦即係日本通王友良嘅父親王戎演床上戲,大膽過現今唔少 o靚模 o架!






開場冇耐,已經有場金燕玲同王戎床上戲,金仲解緊黑 bra兼有透底演出,當年真係引死人肉彈嚟 o架!






唔只埋身肉搏,仲有一幕係王戎向金燕玲摸大髀,意識相當大膽。


撰文:娛樂組
攝影:潘冠恩、賴穎雋
   本贴于 2009-12-16 10:17:59 被【 zhangs_wh】修改
网易论坛,天天相伴这哪儿能光鼓掌啊,这得臭揍啊这!
 
[个人信息] [发送信息] [举报] [到微生活转转] 管理 返回顶部 7楼 2009-12-16 09:45:20
[FACE周刊 第134期]FBI File 餓虎官恩娜


唔敢錫
上星期二,官恩娜同林峯孖住出席太古廣場活動,咁啱當日係林峯生日,有記者叫官恩娜錫林峯一啖,但官恩娜拒絕:「佢好大汗,我唔想整花佢個妝,同埋我要好鍾意嗰個人我先會錫佢。」

喺《超級巨聲》晒完靚聲唱〈 Endless Love〉人氣急升嘅官恩娜,工作愈嚟愈多,今年仲升呢,連「歡樂滿東華」都有得孭重飛表演特技單車。
日日練單車體力自然消耗多,上星期東華拜神, FBI就見到 Ella十足餓狼咁,又食又拎狂*燒肉,仲要一路*一路踩車,有冇咁餓呀?




食住踩
之前因為太忙激瘦嘅官恩娜,當日見到曾志偉拎住碟燒肉,即刻伸手攞,仲食住練單車,洗咗手未呀?




撰文: FBI
攝影︰娛樂攝影組、娛樂突發組
報料熱線: 2623 9178
网易论坛,天天相伴这哪儿能光鼓掌啊,这得臭揍啊这!
 
[个人信息] [发送信息] [举报] [到微生活转转] 管理 返回顶部 8楼 2009-12-16 09:46:14
[FACE周刊 第134期]FBI File 「得得B」跪地求饒

FBI行走江湖咁多年,咩人都見過,不過好似個法蘭西來路貨「得得 B」咁,勾三嫂勾到上娛樂版頭條,呢頭講真愛、嗰頭又食又拎累到人俾佬飛就伸走人嘅「極品」,真係講起就*。話說當初「得得 B」同「三嫂」熱戀期間,衰得意忘形爆人哋老公「香港腳大王」大鑊,搞到俾人告到佢甩褲,不過新井未開發,「得得 B」冇錢賠惟有死死氣去搵大王跪玻璃,當眾下跪求饒!結果,梗係冇情講照告啦!


撰文、攝影:娛樂組
報料熱線: 2623 9178
网易论坛,天天相伴这哪儿能光鼓掌啊,这得臭揍啊这!
 
[个人信息] [发送信息] [举报] [到微生活转转] 管理 返回顶部 9楼 2009-12-16 09:48:11
[FACE周刊 第134期]瑪法達看星星 以戰止戰、地雷引爆 瑪法達

本週基調( 12月 16至 22日):
愛情運★★★
金錢運★★★★
事業運★★★★
(★★★★★為滿分)

人馬座之月進入最後倒數;「人馬座新月日」(農曆初一) 12月 16日登場;天王星(意外、災變)接着在 12月 16日和吉星金星(幸福、財富)形成不利角衝;月初「天王星退行」才恢復正行,戰星火星緊接在 12月 20日進入長達約三個月的退行;另一場星象大事,本年度第三次也是最後一次「木星/海王星合」(和平、休兵)跟着在 12月 20至 21日揭幕;水星仍停山羊座,且星象吉兆、警訊頻率與強度都在高點的本周期,從星座角度解讀,意味着這段「人馬座之月」的星座氛圍,將出現一種樂觀與悲觀相伴、擴充與緊縮同在、且矛盾與和諧共生的怪異現象。出於被動而攻擊,或為維護和平而戰等不通邏輯變得合理。
值得一提的是,下旬開始的「火星退行效應」(高侵略性)儘管可望被象徵追求和解共榮的「木星/海王星合」效應沖淡,但伴隨其中的災難星天王星的活躍,仍讓這段日子充滿瞬間情勢逆轉的憂慮。理財星座家提醒,這段時間地雷充斥,各國經濟數據隱惡揚善,投資人易低估金融危機的骨牌效應,仍以防禦性保守布局為宜,空手入場、低點搶短線投資者,宜注意靈活進出。
就個別星座而言,「天王星效應」驚愕變局打亂大環境假期歡樂的本週,遭受亂流波及的星座不在少數,相對運勢落在逆風期的低潮星略多於得意星。運勢排名稱冠當屬:風光八面、負壓轉弱,各式人生征獵無不建功的獅子座;事業爭氣,喜遇難得一級喜訊的雙魚座排名居次;上週最幸運星人馬座,「人馬座新月日」起有數月得意輝煌,排名第三;上週運氣欠佳的水瓶座,本週仍陷泥沼;金牛、天秤座則是為突來變數煩惱不已。

本週行運榜
第 1位 獅子座
衣錦還鄉、主導大局、後顧無憂(際遇最順)
第 2位 雙魚座
雀屏中選、眾望所歸、地利人和(事業最佳)
第 3位 人馬座
放電轉強、神采飛揚、波長相近(桃花最多)

白羊座 21/ 3- 19/ 4
逆水行舟,不進則退。守護星開始為期近 3個月退行的這段日子,現狀安逸、乏挑戰性,鬥志略顯疲態。儘管應付複雜局面的手腕和反骨魅力仍在,但仍難免不必要的情緒宣洩、遷怒或權威衝撞。事業着眼長期,仍有一大跨界發展、走向國際舞台的選項在招手,大運未到,明春塵埃落定。考照、審核順利,荷包大失血。愛情是限量獎杯。

金牛座 20/ 4- 20/ 5
臥薪嘗膽,黎明初曉。將從昏黯跨入天明的這段日子,儘管基本條件仍被肯定,短期內還是有令人措手不及的衝擊或挫折上門。事業起落幅度甚大,過去留下的棘手舊事也待面對處理,暫不適推出大案,宜撤回瑕疵品、解開心結、閉門修練、擦亮招牌,可視為明年翻身的前哨戰。合夥人、配偶為共有財務加分,偏財進帳。愛情是情絲纏綿繚繞。

雙子座 21/ 5- 20/ 6
天降大任,重建互信。既無奈又慶幸的這段日子,成敗取決外在因素,無法獨力成事,也不能堅持立場、完全貫徹己意。所幸集體作戰、共同決議分擔部分壓力,分層授權、各自負責、百花齊放,倒也能創出一番驚喜的事業風景。組織恐面臨人事整頓,不再具合作必要的結盟也將調整。提防小人,遠行注意安全。財運平平。愛情是一種幸福催眠。

巨蟹座 21/ 6- 22/ 7
相輔相成,步上常軌。積極充實、滿意度不低的這段日子,儘管事業星退行稍稍減弱了銳氣,也無傲人之作,卻是工作清倉、喜獲生力軍的階段性高效率期。不靠花俏酷炫訴求,以勞力、時間密集達成衝業績、趕時效、交報告的超級任務,反能趨吉避凶、站穩腳步。靈性感應、直覺下意識召來神秘經驗。收支盈餘水位上升。愛情是春泥護花。

獅子座 23/ 7- 22/ 8
喜事盈門,容光煥發。生活、工作、情感同步開出紅盤的這段日子,與命運有約,將面對艱難決定的關鍵時刻傳來驚喜消息,不僅打破僵局,也帶來更大揮灑空間。被動轉主動、大材大用、可攻可守,此抉擇將左右來年發展。主觀與盛氣沖淡,人際關係改善,可望以英雄之姿出馬拯救頹勢,成就事業亮點。賭徒性格再現。愛情是集驕寵於一身。

處女座 23/ 8- 22/ 9
擋風遮雨,穩若泰山。好戲即將上場的這段日子,一度天人交戰,所幸很快戰勝心魔,走出安樂窩、勇敢擁抱冒險與挑戰。事業維持平常心,堅守崗位、代理多職,撐起一片天。比起中途落跑或請假逃班的同伴,風評較實力為佳。期末報告、結案工程注意細節疏漏或修正需要。家事、房事鬆一口氣,鄉愁升起。財運不穩。愛情是被幸福馴服。

天秤座 23/ 9- 22/ 10
多管齊下,且戰且走。運勢忽起忽落、夾雜驚愕插曲的這段期間,活力旺盛卻略嫌方向感不足。來自某事的意外打擊有些招架不住,所採對策易淪於治標不治本、無事瞎忙的徒勞無功。事業機運與表現都在低檔,應付內外要求,維持現狀已屬不易,淺嘗抽刀斷水、水更流的滋味。親情、家事煩惱有解。消費衝動轉強。愛情是一種慣性的停靠。

天蠍座 23/ 10- 21/ 11
招財進寶,喜種福田。暴發戶指數登上年度巔峰的這段日子,難得在獲得物質豐收之餘,不帶銅臭。不少人靠專業知識創造附加價值,打開兼職市場,或以口才、文字、業餘才能增加收入,且可能有一筆豐厚合約、訂單或獎金上門。家庭、親情優先,事業力道減弱,但不失專業,還將發佈新作。善心轉強,樂在公益捐輸。愛情是惜舊守信。

人馬座 22/ 11- 21/ 12
播種耕耘,滿懷希望。想法浪漫、行事卻很務實的這段期間,是一段自我實現的開始,行動、思考、溝通和夢想力俱進,具贏家條件,可惜時間管理待補強。事業夢想放大、人氣集結、工具得法、士氣大振,可望快速累積成果,一戰成名。某結案工程宜防忽略重要細節。靈性感度和信仰召喚轉強。花錢大方,財運後勢可期。愛情是一種課業溫習。

山羊座 22/ 12- 19/ 1
先蹲後跳,以守待變。困擾煩心、缺乏勇氣放下包袱的這段日子,可望在短暫尷尬後,摸索出可行的切入角度,一試水溫。事業自給自足,靠着紮實的基本功和逆境突圍的企業精神,終於等到春天。及時推出切合市場需求的企劃,加上和毫無交集的圈外人為友,竟意外獲得機會。資金來源和預期所得有變,小心財務亂流。愛情是一個私密心事。

水瓶座 20/ 1- 18/ 2
公爾忘私,廣結善緣。臨時狀況驟增的這段日子,小風波不少,且恐有過度理智、感覺麻木之虞。熱絡中又似疏離,拿不準友誼和情感的區隔。事業合眾人之力為某活動帶來充實內容並劃下完美句點。完成一項不可能任務,也順勢結交一些利益南轅北轍的關係。思考跳躍,別讓小插曲失控。意外破費不少,現金縮水。愛情是一種心情叛逃。

雙魚座 19/ 2- 20/ 3
鴻運當頭,喜極而涕。吉星相伴、好運如影隨形的這段日子,事業將再做一波年底搶攻,擠進核心、接受要角新職或排名向前挺進,找到正確鑰匙,機會之門短暫開啟。切記當機立斷。錯過此回,得到明春後。此外還將與某戲劇性機緣再度交手,也是近期內類似經驗的最後一搏。利遊學、修習或外派。應收帳延誤。愛情是種被輕輕撫平的騷動。

本欄作者瑪法達,畢業於紐約哥倫比亞大學國際事務學院,九零年開始替台灣《獨立晚報》撰寫星座運程。曾於零二年替電視台撰寫電視劇《星座偶像劇系列》劇本,及主持電台節目「瑪法達的魔法寶盒」等,在台灣以預測超準見稱,曾測中零四年十二月南亞海嘯,令人嘆為觀止。

(瑪法達)
网易论坛,天天相伴这哪儿能光鼓掌啊,这得臭揍啊这!
 
[个人信息] [发送信息] [举报] [到微生活转转] 管理 返回顶部 10楼 2009-12-16 10:32:20
丁子高害千嬅
 
[个人信息] [发送信息] [举报] [到微生活转转] 管理 返回顶部 11楼 2009-12-16 15:04:35
封面 3年矯唇2次 王菲女靚晒返學

FBI File 周秀娜 翻叮葉玉卿
网易论坛,天天相伴我期待生活是一场童话,身处其中的我们都很幸福。
 
[个人信息] [发送信息] [举报] [到微生活转转] 管理 返回顶部 12楼 2009-12-16 17:12:55
驗衣官 紅得及時 容祖兒
 
[个人信息] [发送信息] [举报] [到微生活转转] 管理 返回顶部 13楼 2009-12-17 11:25:47
支持下狮子座!~~
呵呵,虽然 我不是 ....
 
[个人信息] [发送信息] [举报] [到微生活转转] 管理 返回顶部 14楼 2009-12-23 22:40:00
感谢版主!!!!!!
网易论坛,天天相伴鸟大了什么林子都有。
 
GO
13个回帖
您最近去的版:tvb明星联盟

回复

-
 

粘贴

手动保存 | 恢复内容 | 清除内容  

如何用手机快速回复?  回复本贴
同步到微博

 

arrow
arrow
    全站熱搜

    萬南海(何育仁) 發表在 痞客邦 留言(0) 人氣()