福島第一核電廠核災（日文：福島第一原子力発電所事故），縮寫福島核災，係世界幾次核災之一。事發喺日本福島縣嘅福島第一核電廠。間廠由東京電力公司經營，共有六座核子反應爐，全部係沸水式反應爐，當中四座發生事故。事緣二零一一年三月十一號，日本時間下晝兩點四十六分，發生日本東北地震，並引發海嘯。海嘯令發電廠各核子反應爐嘅冷卻系統失靈，爲咗避免爐芯完全熔毀，輻射四散，禍延全球，各方盡力灌水冷卻。但灌水唔係好有效，化學作用下令各爐多日連翻氫氣爆炸，倖未全毀，部份輻射塵升上半空，輻射雲散佈關東各地，以及太平洋周邊嘅地區，電廠嘅周邊地區水土受輻射污染比較嚴重，人畜均不能安全食用。當中三號爐，爐殼損毀，決口令輻射漏出，係各爐之中最危急。

地震發生後，福島第一核電廠所有核子反應爐，均安全自動熄爐，停止核分裂反應，但核衰變仍然繼續，餘熱高溫，需用水冷卻，以防過熱燒壞。停爐後，冷卻系統需靠火力發電推動，但因海嘯高過防波堤，令較低窪嘅發電機故障，冇法供電。冷卻系統亦靠電池行咗八個鐘後，最終斷電，冷卻水循環系統就冇法繼續運作。之後為咗降低反應爐安全殼（圍阻體）嘅壓力，核電廠職員冒死打開閥門放咗啲蒸氣出來，但最後導致氫氣爆炸兼冚樓，燃料儲存池冷卻用水跌過安全水位，令燃料棍外露，導致熔化，發生泄漏輻射事故。三月廿二號，日本經濟產業省原子能安全保安院指出，福島第一核電廠正門附近嘅輻射量，比平常最少多出七十倍，而一號反應爐嘅中央控制室輻射量，亦升到平常嘅一千倍。係日本首次確認，有放射性物質外泄，稱呢次事故為核災。

呢次核災，可以同一九八六年，蘇聯車諾比核電廠核災相提並論，全面禁止核試條約組織指出，同車諾比核災比起，福島核災放出嘅放射物數量，碘一三一達百分之七十三，而銫一三七達百分之六十一。方圓一百公里，食水都受污染，而日本首都東京，事故發生後幾日，輻射雲飄到東京降雨後，驗出食水含輻射水平對成年人健康冇即時影響，但唔適合畀幼兒飲用，日本政府向影響市民派樽裝水。

B6732 EA76

M33622(深綠)

C74428(深綠)

B6732 EA6593

B6732 EA92

M41913

B29390

B6732 DB8582

CM-2086

B6732 EB00

29-5600-00

D40315

B6732 EA59